Yangiliklar

Vatanimiz mustaqilligining qutlug‘ 35 yillik ayyomi arafasida “O‘zbek geologiya qidiruv” aksiyadorlik jamiyatida Yangi O‘zbekiston ravnaqi va geologiya sohasi rivojiga ulkan hissa qo‘shgan bir guruh fidoiy soha xodimlarini “O‘zbekiston Respublikasi mustaqilligining 35 yilligi” esdalik nishoni bilan taqdirlash marosimi bo‘lib o‘tdi.Tadbirda Jamiyat boshqaruv raisi, rahbar o‘rinbosarlari va xodimlar ishtirok etdi. Tadbirni kirish so‘zi bilan ochgan Jamiyat boshqaruv raisi – Shamsiddin Alimov barcha yig‘ilganlarni va mukofot egalarini eng ulug‘, eng aziz bayram — Istiqlolning 35 yilligi bilan tabriklab, davlatimiz rahbarining tegishli farmonlari bilan ta’sis etilgan “O‘zbekiston Respublikasi mustaqilligining 35 yilligi” esdalik nishoni mamlakatimiz iqtisodiyotini yuksaltirish, mineral-xomashyo bazasini mustahkamlash, konlarda tun-u kun murakkab sharoitlarda mehnat qilayotgan soha vakillarining mashaqqatli mehnatiga berilgan yuksak e’tirofligini alohida ta'kidlab o'tdi. Tadbir davomida tizim xodimlariga esdalik nishonlari hamda ularning guvohnomalari tantanali va bayramona ruhda topshirildi. Taqdirlanganlar so‘zga chiqib, geologiya sohasi xodimlariga ko‘rsatilayotgan bunday yuksak e’tibor va rag‘bat uchun davlatimiz rahbariga o‘z minnatdorliklarini bildirdilar hamda kelgusida yangi-yangi yer osti boyliklari, konlarni kashf etish orqali iqtisodiyotimiz poydevorini mustahkamlashga bor kuch-g‘ayratlarini safarbar etishlarini ta’kidladilar. Shuningdek, Prezident Farmoniga asosan, Jamiyatning “Qizilqum” markaziy geologiya qidiruv ekspeditsiyasi “Dovg‘iztov” dala ekspeditsiyasi mashinisti Ergashev Uktam Salimovichning “Shuhrat” medali bilan taqdirlangani butun jamoaga cheksiz faxr va iftixor bag‘ishlagani alohida ta’kidlandi.Mamlakatimiz bo‘ylab mustaqilligimizning 35 yilligi keng nishonlanmoqda.

“O‘zbek geologiya qidiruv” AJ Regional Markaziy geologik tasvirlash ekspeditsiyasi hamda Samarqand Markaziy geologiya qidiruv ekspeditsiyasi xodimlari o‘rtasida kitobxonlik madaniyatini yuksaltirish, mutolaaga bo‘lgan qiziqishni oshirish, shuningdek, kitobning inson ma’naviyati va dunyoqarashini boyitishdagi muhim o‘rnini targ‘ib qilish maqsadida “Kitob – ma’rifat manbai” dasturi doirasida tadbir tashkil etildi.Tadbir davomida kitobxonlikning inson hayotidagi ahamiyati, mutolaaning ma’naviy va intellektual rivojlanishdagi o‘rni haqida fikr-mulohazalar bildirildi. 📚Kitob — bilim va ma’rifat manbai, tafakkur va ma’naviyatning mustahkam poydevoridir!

“O‘zbek geologiya qidiruv” AJ Regional Markaziy geologik tasvirlash ekspeditsiyasi xodimlari o‘rtasida O‘zbekiston Respublikasi Mustaqilligining 35 yilligi munosabati bilan sport musobaqasi tashkil etildi.Musobaqadan ko‘zlangan asosiy maqsad xodimlar o‘rtasida sog‘lom turmush tarzini targ‘ib qilish, jamoaviy hamjihatlikni mustahkamlash hamda sportga bo‘lgan qiziqishni yanada oshirishdan iborat.Bellashuvlar ko‘tarinki ruhda va do‘stona muhitda o‘tkazilib, ishtirokchilar o‘zlarining chaqqonligi, epchilligi va sport mahoratini namoyish etdilar.

Analitik laboratoriyalar majmuasida xodimlar o‘rtasida kitobxonlik madaniyatini yuksaltirish, mutolaaga bo‘lgan qiziqishni oshirish hamda kitobning inson ma’naviyati va dunyoqarashini boyitishdagi ahamiyatini targ‘ib qilish maqsadida “Kitob – ma’rifat manbai” dasturi doirasida ma’naviy-ma’rifiy tadbir tashkil etildi.Tadbir davomida kitob mutolaasining inson hayotidagi o‘rni, bilim va tafakkurni rivojlantirishdagi ahamiyati haqida fikr almashildi. Xodimlarga badiiy, ilmiy-ommabop hamda ma’naviy-ma’rifiy adabiyotlarni muntazam mutolaa qilish, bo‘sh vaqtni mazmunli tashkil etish yuzasidan tavsiyalar berildi.Shuningdek, xodimlar va yoshlar o‘rtasida kitobxonlik muhitini shakllantirish, kitobga mehr va hurmatni oshirish hamda mutolaa madaniyatini keng targ‘ib qilish masalalariga alohida e’tibor qaratildi. “Kitob – ma’rifat manbai” dasturi doirasidagi bunday tadbirlar xodimlarning ma’naviy dunyosini boyitish, bilim va dunyoqarashini kengaytirish hamda kitobxonlik madaniyatini yuksaltirishga xizmat qiladi.

Hisor markaziy geologiya qidiruv ekspeditsiyasida Vatanimiz mustaqilligining 35 yilligi munosabati bilan “Yagona Vatan, yagona xalq bo‘lib, yangi hayot va kelajak yaratamiz!” degan bosh g‘oya ostida rasmlar chelenji tashkil etildi. Chelenjda xodimlar tomonidan Mustaqillik bayrami, Vatanga muhabbat va yurtimiz kelajagiga bo‘lgan ishonchni aks ettiruvchi ijodiy rasmlar namoyish etildi.

O‘zbekiston Respublikasi Mustaqilligining 35 yilligi munosabati bilan Toshkent markaziy geologiya qidiruv ekspeditsiyasi xodimlari o‘rtasida futbol, stol tennisi va shashka bo‘yicha sport musobaqalari o‘tkazildi.Musobaqalardan ko‘zlangan maqsad — xodimlar o‘rtasida sog‘lom turmush tarzini targ‘ib qilish, jamoaviy hamjihatlikni mustahkamlash va sportga bo‘lgan qiziqishni oshirish.Bellashuvlar ko‘tarinki kayfiyat va do‘stona muhitda o‘tdi. Ishtirokchilar o‘z mahorat va qobiliyatlarini namoyon etdilar.Musobaqa yakunida g‘olib va sovrindorlar munosib taqdirlandi.

Ertaga, 25-avgust kuni respublikaning barcha hududlarida navbatdagi “Avtomobilsiz kun” aksiyasi o‘tkaziladi.

“O‘zbekiston Respublikasi mustaqilligining o‘ttiz besh yilligi munosabati bilan davlat xizmatchilari hamda ishlab chiqarish va ijtimoiy-iqtisodiy sohalar xodimlaridan bir guruhini mukofotlash to‘g‘risida” Prezident Farmoniga asosan bir qator vatandoshlarimizga yuksak davlat mukofotlari berildi.“O‘zbek geologiya qidiruv” aksiyadorlik jamiyatining “Qizilqum” markaziy geologiya qidiruv ekspeditsiyasi “Dovg‘iztov” dala ekspeditsiyasi mashinisti – Ergashev Uktam Salimovich  “Shuhrat” medali bilan taqdirlandi. Aksiydorlik jamiyati jamoasi nomidan yuksak mukofot bilan tabriklaymiz.

Qizilqum markaziy geologiya qidiruv ekspeditsiyasida O‘zbekiston Respublikasi Mustaqilligining 35 yilligi munosabati bilan xodimlar o‘rtasida “Yagona Vatan, yagona xalq bo‘lib, yangi hayot va kelajak yaratamiz” shiori ostida sport musobaqalari tashkil etildi. Musobaqalarda mini futbol, stol tennisi, shaxmat va shashka turlari bo‘yicha xodimlar o‘zaro kuch sinashdilar. Bellashuvlar davomida ishtirokchilar sportga bo‘lgan qiziqishi, jamoaviy hamjihatligi va g‘alabaga bo‘lgan intilishini namoyon etdilar. Mazkur sport tadbiri xodimlar o‘rtasida sog‘lom turmush tarzini targ‘ib qilish, jamoaviy birdamlikni mustahkamlashga xizmat qiladi.