E’lonlar

DIQQAT! E’LON 2026-yil 14-may kuni Toshkent markaziy geologiya qidiruv ekspeditsiyasida jismoniy va yuridik shaxslar uchun navbatdagi sayyor qabul o‘tkaziladi. Barcha murojaatchilarni sayyor qabulda faol ishtirok etishga taklif etamiz.

E'lon! “O‘zbek geologiya qidiruv” AJ tarkibidagi ekspeditsiyalar va laboratoriyalardagi mavjud bo‘sh ish o‘rinlariga ochiq tanlov e'lon qiladi. ✅ Batafsil tanishish uchun saytga o‘ting https://www.uzgeo.uz/interactive-services/vacancies Eslatma! Bo‘sh ish o‘rinlari bo‘yicha arizalarni quyidagi my.mehnat.uz, (https://my.mehnat.uz/login) hh.uz (https://tashkent.hh.uz/) platformalariga yoki berilgan telefon nomerlar orqali yuborishingiz mumkin.

Tashkilot: “O‘zbek geologiya qidiruv” AJ.Ish joyi: Samarqand analitik laboratoriyalar majmuasi. Eritish pechlarini ta’mirlash va texnik xizmat ko‘rsatish bo‘yicha mutaxassis lavozimiga 4 nafar fuqarolar joriy yilning 31- dekabriga qadar fuqarolik-huquqiy tusdagi shartnoma asosida ishga taklif qilinadi. Asosiy xizmat vazifalari: Jamiyatga tegishli laboratoriya bo‘linmalarida 1100 °C gacha haroratda ishlovchi eritish pechlarini ta’mirlash va texnik xizmat ko‘rsatish; Nosoz boshqaruv bloklarini diagnostika qilish, ta’mirlash va soz holatga keltirish; Elektr va avtomatika elementlaridagi nosozliklarni aniqlash, tiklash yoki almashtirish; Kontaktor, rele, yoqish transformatori, harorat regulyatori hamda ulanish zanjirlarini sinovdan o‘tkazish; Pnevmatik eshik mexanizmlariga texnik xizmat ko‘rsatish va ta’mirlash; Xavfsizlik bloklari va himoya tizimlarining uzluksiz ishlashini ta’minlash; Elektr, pnevmatik va issiqlik izolyatsiyasi tizimlarini belgilangan me’yorlarga muvofiq holatga keltirish; Uskunalarning ishlab chiqaruvchi talablariga muvofiq ishlashini nazorat qilish; Zarur hollarda eskirgan yoki ishdan chiqqan qismlarni tozalash yoki almashtirish; Olovbardosh materiallar (g‘isht, kaowool, keramik qoplama va boshqalar)ni yangilash; Pechning ichki kamerasi, eshiklari va tutun yo‘llarini texnik jihatdan yaroqli holatda saqlash. Ariza topshirish tartibi: Hujjatlar qabul qilish muddati: 5 (besh) ish kuni. Bog‘lanish uchun telefon: +998 93 612 30 89.

KPI va xodimlarni baholash bo‘yicha ekspert (maslahatchi) “O‘zbek geologiya qidiruv” AJ Kompaniya haqida “O‘zbekgeologorazvedka” AJ — geologiya-qidiruv ishlarining to‘liq siklini amalga oshiruvchi yirik korxonalardan biri hisoblanadi. Hozirda kompaniya samaradorlikni oshirish, shaffoflikni ta’minlash va zamonaviy boshqaruv yondashuvlarini joriy etishga qaratilgan keng ko‘lamli transformatsiya bosqichida. Vakansiya haqida Biz KPI va xodimlarni baholash tizimini ishlab chiqish va joriy etish bo‘yicha ekspert (maslahatchi) lavozimiga tanlov e’lon qilamiz. Ushbu lavozim quyidagi yo‘nalishlarda ishtirok etishni nazarda tutadi:• KPI tizimini shakllantirish va joriy etish;• xodimlarni baholash tizimini ishlab chiqish;• boshqaruv va biznes jarayonlarni takomillashtirish. Ish shakli: fuqaroviy-huquqiy shartnoma (GPH)Ish muddati: 3 oy Asosiy vazifalar 1. KPI tizimi • bo‘linmalar va lavozimlar bo‘yicha KPI xaritalarini ishlab chiqish va takomillashtirish;• KPI joriy etish jarayonida metodologik qo‘llab-quvvatlash;• ko‘rsatkichlar, ma’lumot manbalari va hisob-kitob mantiqini tekshirish. 2. Pilot joriy etish • KPI tizimini tanlangan bo‘linmalarda pilot tarzda joriy etish;• birinchi baholash davrini kuzatish va tahlil qilish;• tizimni kengaytirish bo‘yicha takliflar tayyorlash. 3. Avtomatlashtirish • KPI hisob-kitoblari uchun Excel modeli ishlab chiqish;• ma’lumotlarni yig‘ish va konsolidatsiya qilish tizimini yaratish;• avtomatlashtirish uchun talablarni shakllantirish (1C, BI va boshqalar). 4. Xodimlarni baholash tizimi • profilash doirasida baholash qoidalarini ishlab chiqish;• natijadorlik, malaka va kompetensiyalar o‘rtasida vaznlarni belgilash;• dalillovchi hujjatlar talablarini ishlab chiqish;• yagona baholash shakli, yo‘riqnoma va namunalarni tayyorlash. Nomzodga qo‘yiladigan talablar Majburiy talablar: • oliy ma’lumot (HR, menejment, iqtisod, moliya yoki IT);• KPI yoki baholash tizimlarida kamida 3 yil tajriba;• quyidagi yo‘nalishlarda tajriba:– KPI tizimlarini ishlab chiqish;– biznes jarayonlarni tahlil qilish;– xodimlarni baholash;• Excel (modellash, formulalar) bo‘yicha yuqori daraja;• tahliliy fikrlash va hisobot tayyorlash ko‘nikmalari. Qo‘shimcha ustunliklar: • 1C, Power BI yoki boshqa analitik tizimlar bilan ishlash tajribasi;• yirik kompaniya yoki ishlab chiqarish sohasida ishlaganlik;• transformatsiya yoki avtomatlashtirish loyihalarida ishtirok etganlik;• loyiha boshqaruvi ko‘nikmalari. Shaxsiy sifatlar • tizimli va tahliliy fikrlash;• mustaqil qaror qabul qilish;• mas’uliyat va natijaga yo‘naltirilganlik;• turli darajadagi rahbarlar bilan ishlash;• o‘zgarishlarga moslashuvchanlik. Shartlar • yirik transformatsiya loyihasida ishtirok etish imkoniyati;• raqobatbardosh to‘lov (tanlov natijalariga ko‘ra);• boshqaruv tizimiga bevosita ta’sir qilish imkoniyati;• xizmat safarlariga jalb etilishi mumkin. Nega bu lavozim muhim Bu oddiy HR yoki analitik lavozim emas, balki:• KPI tizimi;• baholash mexanizmi;• boshqaruv qarorlari sifatikabi muhim yo‘nalishlarga bevosita ta’sir qiluvchi strategik rol hisoblanadi. Tanlovda ishtirok etish Quyidagilarni yuborish so‘raladi:• CV (rezyume);• amalga oshirilgan loyihalar haqida qisqacha ma’lumot. 📧 Email: info@uzgeo.uz📅 Ariza topshirish muddati: 10.05.2026.  

Korxonamiz tomonidan konchilik loyihasi doirasida quyidagi yo‘nalishlar bo‘yicha mutaxassislar jalb etiladi: 1. Geologik yo‘nalish: Konning geologik tuzilishi va ko‘mir sifati bo‘yicha tahlillar Gidrogeologiya va muhandislik-geologik sharoitlarni o‘rganish Geologik parametrlarni (qatlam qalinligi, qo‘shimcha qatlamlar va boshqalar) asoslash Zaxiralarni hisoblash uchun geologik asos tayyorlash   2. Konchilik-texnik yo‘nalish: Qazib olish usuli, tizimi va chegaralarini belgilash Yo‘qotishlar va aralashmalarni aniqlash Ko‘mirni qazib olish, tashish va boyitish texnologiyasini ishlab chiqish Konchilik-texnologik parametrlarni asoslash 3. Iqtisodiy yo‘nalish: Loyihaning iqtisodiy samaradorligini baholash (xarajatlar, narx, NPV, IRR va boshqalar) Iqtisodiy parametrlarni asoslash (chegaraviy kullilik, ochish koeffitsienti va boshqalar) Qo‘shimcha vazifalar: Ekologik asoslash va atrof-muhitni muhofaza qilish chora-tadbirlarini ishlab chiqish Hujjatlarni umumlashtirish Variantlarni solishtirish va optimal yechimni tanlash Loyihani ekspertizaga (GKZ) tayyorlash Talablar: tegishli yo‘nalish bo‘yicha oliy ma’lumot, ish tajribasi va mas’uliyatlilik. Bog‘lanish uchun: +998913210202

Ishga taklif! “Hisor tog‘ tizmasining janubiy-sharqiy qismida J-42-51-V va J-42-52-A nomenklatura varaqlarida 800 kv.km maydonda 1:50 000 miqyosda geologik qayta o‘rganish (GQO‘-50)” loyihasi doirasida Surxandaryo viloyati, Sariosiyo tumanida joylashgan bazaga qorovul-xo‘jalik xodimi ishga taklif etiladi. Vazifalar: Qorovullik qilish Hududni tozalash ishlari Bog‘ parvarishi bilan shug‘ullanish Talablar: Masʼuliyatli va halol bo‘lish Jismonan sog‘lom bo‘lish Ishga jiddiy yondashish 📞 Bog‘lanish uchun: +998 88 320 04 74📄 Hujjatlar: Pasport

2 oy davomida bajariladigan vazifalar hajmi sifatida shartnomaga quyidagi yo‘nalishlarni kiritish taklif etiladi: 1. ESG ma’lumotlarini yig‘ish va ESG/ISSB hisobotlarini tayyorlash bo‘yicha yagona metodologik yondashuvni ta’minlash, jumladan asosiy tamoyillarni unifikatsiya qilish hamda asosiy ko‘rsatkichlarning taqqoslanuvchanligini ta’minlash. 2. Ma’lumotlar egalari tomonidan ESG ko‘rsatkichlarini birlamchi yig‘ish jarayonini muvofiqlashtirish, ma’lumotlarni konsolidatsiya qilish, shuningdek ularning to‘liqligi, to‘g‘riligi va mantiqiy izchilligini dastlabki tekshirishni amalga oshirish. 3. ESG/ISSB ochiqliklari bo‘yicha loyihani KPMG kompaniyasi bilan hamkorlikda olib borish, jumladan yakuniy hisobot paketini tayyorlash va jalb qilingan bo‘linmalarga metodologik ko‘mak ko‘rsatish. Bog‘lanish uchun: +998 95 166 91 66

“O‘zbek geologiya qidiruv” AJ Kompaniya haqida “O‘zbekgeologorazvedka” AJ — geologiya-qidiruv ishlarining to‘liq siklini amalga oshiruvchi yirik korxonalardan biri hisoblanadi. Kompaniya hozirda samaradorlikni oshirish, shaffoflikni taʼminlash va zamonaviy boshqaruv amaliyotlarini joriy etishga qaratilgan keng ko‘lamli transformatsiya bosqichida. Vakansiya haqida Biz Xodimlarni baholash bo‘yicha menedjer lavozimiga tanlov eʼlon qilamiz. Ushbu lavozim kompaniyada: lavozimlarni profillash, xodimlarni baholash, tashkiliy tuzilmani takomillashtirish kabi muhim yo‘nalishlarda ishtirok etishni nazarda tutadi. Asosiy vazifalar Sinov muddati davrida va keyinchalik: Asosiy biznes-jarayonlarni tahlil qilish (AS-IS holatini tavsiflash, muammoli nuqtalarni aniqlash, o‘zaro hamkorlikni formallashtirish) Jarayon ishtirokchilarini aniqlash va lavozim profillarini ishlab chiqish (funksiyalar, kompetensiyalar, KPI) Xodimlarni ishlab chiqilgan profillarga muvofiq baholashni tashkil etish va o‘tkazish (kuchli tomonlar, rivojlanish zonalari, muvofiqlik darajasi tahlili) Quyidagi yo‘nalishlar bo‘yicha tahliliy hisobot va takliflar tayyorlash: funksiyalarni optimallashtirish, samaradorlikni oshirish, xodimlar kompetensiyalarini rivojlantirish Tashkiliy tuzilmani takomillashtirish va vazifalarni taqsimlash bo‘yicha takliflar ishlab chiqish Nomzodga qo‘yiladigan talablar Majburiy talablar: Oliy maʼlumot (HR, menejment, iqtisod, sotsiologiya, psixologiya yoki o‘xshash yo‘nalishlar) HR, tashkiliy rivojlanish yoki konsalting sohasida kamida 3 yil tajriba Quyidagi yo‘nalishlarda amaliy tajriba: biznes-jarayonlarni tavsiflash lavozim profillarini ishlab chiqish xodimlarni baholash (assessment, intervyu, 360° va boshqalar) Tahliliy fikrlash va boshqaruv hisobotlarini tayyorlash ko‘nikmalari Excel va PowerPoint dasturlarini yaxshi bilish Qo‘shimcha ustunliklar: KPI yoki samaradorlikni baholash tizimlarini joriy etish tajribasi Yirik yoki ishlab chiqarish korxonalarida ishlaganlik Loyiha boshqaruvi bo‘yicha bilimlar Transformatsiya loyihalarida ishtirok etganlik Shaxsiy sifatlar Tizimli va tahliliy fikrlash Qarshiliklar bilan ishlay olish qobiliyati Mustaqillik va masʼuliyat Turli darajadagi rahbarlar bilan samarali muloqot qilish Natijaga yo‘naltirilganlik Shartlar Yirik transformatsiya loyihasida ishtirok etish imkoniyati Raqobatbardosh ish haqi (tanlov natijalariga ko‘ra) Kasbiy o‘sish va kompaniya o‘zgarishlariga taʼsir ko‘rsatish imkoniyati Loyiha xususiyatidan kelib chiqib, ish vaqti normalashtirilmagan bo‘lishi mumkin Tanlovda ishtirok etish tartibi Quyidagilarni yuborishingizni so‘raymiz: rezyume amalga oshirilgan loyihalar haqida qisqacha maʼlumot (agar mavjud bo‘lsa) Elektron pochta: info@uzgeo.uz Nega bu lavozim muhim Bu oddiy HR pozitsiya emas, balki kompaniyada: tashkiliy tuzilma, boshqaruv tizimi, asosiy bo‘linmalar samaradorligiga bevosita taʼsir ko‘rsatuvchi strategik rol hisoblanadi.  

O‘zbekiston Respublikasi Prezidentining “O‘zbekiston – 2030” strategiyasini “Mahallani rivojlantirish va jamiyatni yuksaltirish yili”da amalga oshirishga oid Davlat dasturi to‘g‘risidagi Farmoni ijrosini, shuningdek, “O‘zbek geologiya qidiruv” AJ tomonidan geologiya-qidiruv sohasida amalga oshirilayotgan ishlarni, xususan, respublikaning mineral-xom ashyo bazasini rivojlantirish borasidagi vazifalar ijrosini keng yoritish maqsadida markaziy telekanallarda “Maxsus reportaj”, “Ortga qaytmas islohotlar”, “Axborot”, “Yangiliklar”, “Umr daftari”, “Saodatli umr”, “Tafakkur jilolari” kabi turkum ko‘rsatuvlarni tayyorlash bo‘yicha fuqarolik-huquqiy shartnoma tuzish uchun tanlov e’lon qilinadi. Tanlovda ishtirok etish talabi bo'lgan nomzodlarni quyidagi raqamlarga murojaat qilishlari mumkin.  Tel: 77 336 77 07