Tadbirlar

Joriy yilning 29-dekabr kuni Hisor Markaziy geologiya qidiruv ekspeditsiyasida kirib kelayotgan yani yil munosabati bilan tadbir tashkil etildi. Tadbirda yil yakuni sarhisob qilinib, erishilgan natijalar va yo‘l qo‘yilgan kamchiliklar tahlil qilindi. 2023-yilda sohada faol mehnat qilgan xodimlar faoliyati e’tirof etildi. Hisor MGQE rahbari E.Rayimqulov barcha xodimlarni kirib kelayotgan 2024-yil bilan tabriklab, yangi yilda ekspeditsiya oldidagi ustuvor vazifalar haqida fikr bildirdi.    

Joriy yilning 29-dekabr kuni Samarqand Markaziy geologiy qidiruv ekspeditsiyasi va uning tarkibidagi dala ekspeditsiyalarida kirib kelayotgan yangi yil munosabati bilan maʼnaviy-maʼrifiy bayram tadbirlari boʻlib oʻtdi. Tadbirda Samarqand MGQE rahbariyati bayram bilan mehnat jamoasini tabriklab, yil davomida faol mehnati bilan geologiya sohasining rivojiga hissa qoʻshgan bir guruh xodimlarni e’tirof etishdi. Shuningdek, bir necha nafar xodimlarni nafaqaga kuzatishdi. Bayram munosabati bilan Samarqand shahar 22-sonli bolalar musiqa va sanʼat maktabi oʻquvchilari oʻzlarining qoʻshiq raqslari bilan tadbirga bayramona kayfiyat ulashishdi.    

“O’zbek geologiya qidiruv” AJ da 21 oktyabr – O‘zbek tiliga davlat tili maqomi berilgan kuniga bag‘ishlangan ma’naviy-ma’rifiy tadbir bo‘lib o‘tdi. Tadbirda bugungi kunda ona tilimizning jamiyatdagi o‘rni va nufuzini oshirish bo‘yicha keng ko‘lamli ishlar amalga oshirilayotganligi ta'kidlandi.

"O'zbek geologiya qidiruv" AJ xodimlari, yurtimizda ichki turizmni rivojlantirish, tarixiy-madaniy obidalarni ziyorat qilish maqsadida Buxoro viloyatiga sayohat qilishdi.Sayohatchilar butun dunyo musulmonlari uchun tabarruk maskanlar hisoblanmish Yetti pir — Abduxoliq G‘ijduvoniy, Muhammad Orif Revgariy, Mahmud Anjir Fag‘naviy, Xoja Ali Romitaniy, Muhammad Boboyi Samosiy, Sayyid Amir Kulol, Bahouddin Naqshband me’moriy majmualari va bir necha ming yillik tarixga ega bo’lgan me’moriy obidalar bilan bir qatorda, “Labi Hovuz”, “Minorai Kalon”, “Buxoro zindoni” kabi ko’plab tarixiy qadamjolarni ziyorat qilishdi.

"O‘zbek geologiya qidiruv" AJ Zarafshon dala geologiya qidiruv ekspeditsiyasida taniqli davlat  va jamoat arbobi, geolog olim, geologiya-mineralogiya fanlari doktori, O‘zbekiston Fanlar Akademiyasining akademigi, Abu-Rayxon Beruniy  nomidagi O‘zbekiston Davlat mukofoti sohibi, marhum Habib Abdullaev tavalludining 110 yilligiga bag‘ishlangan anjuman  bo‘lib o‘tdi. Ushbu anjumanda  Zarafshon DGQE xodimlari va Samarqand shahar hokimiyati  vakillari,  Samarqand davlat unversiteti  olimlari ishtirok etishdi.  Tadbirda yig‘ilish ishtirokchilariga  o‘zbek  geologiya fani rivojiga salmoqli hissa qo‘shgan  Abdullaev  Habib Muhammedovichning hayoti,  ijodiy faoliyati,  mamlakatimizda tog‘-kon va metallurgiya sanoatining rivojiga qo‘shgan hissasi   borasida ma’lumotlar taqdim etildi.