“Yoshlar bilan bir kun” aksiyasi doirasida “Ustoz-shogird” an’anasi

Hisor markaziy geologiya qidiruv ekspeditsiyasida “Yoshlar bilan bir kun” aksiyasi doirasida yosh xodimlarning kasbiy bilim va ko‘nikmalarini oshirish, ularni qo‘llab-quvvatlash hamda tajribali mutaxassislarning ko‘p yillik ish tajribasini yosh avlodga yetkazish maqsadida “Ustoz-shogird” an’anaviy uchrashuvi tashkil etildi.

Uchrashuv davomida tajribali mutaxassislar tomonidan yosh xodimlarga kasbiy faoliyat, mehnat intizomi, mas’uliyat va ish jarayonida orttirilgan amaliy tajriba yuzasidan qimmatli tavsiyalar berildi.

Shuningdek, yoshlarning taklif va tashabbuslari tinglanib, ularni qo‘llab-quvvatlash, kasbiy rivojlanishiga ko‘maklashish hamda “Ustoz-shogird” tizimini yanada rivojlantirish bo‘yicha fikr almashildi.

Ustozning tajribasi — shogirdning kelajakdagi muvaffaqiyati!