Sohadagi ilg‘or xodimlar e'tirof etildi

Geologiya sohasi xodimlari kuni munosabati bilan jamiyatda samarali faoliyat olib borib, o‘zining fidokorona mehnati, kasbiy mahorati va yuqori natijalari bilan ajralib turgan bir guruh xodimlar faxriy yorliqlar hamda esdalik sovg‘alar bilan taqdirlanishdi.

Mazkur e’tirof ularning geologiya sohasini rivojlantirish, yer osti boyliklarini o‘rganish va mamlakat iqtisodiy salohiyatini mustahkamlash yo‘lidagi munosib hissasining ifodasi bo‘ldi. Taqdirlash marosimi ko‘tarinki ruhda o‘tkazilib, xodimlarga kelgusidagi faoliyatlarida yanada ulkan zafarlar tilandi.