Samarqand markaziy geologiya qidiruv ekspeditsiyasida korrupsiyaga qarshi targʻibot tadbiri oʻtkazildi

Samarqand markaziy geologiya qidiruv ekspeditsiyasida ishchi-xodimlar oʻrtasida korrupsiyaning har qanday koʻrinishiga nisbatan murosasizlik muhitini shakllantirish maqsadida "Oʻzbekiston Respublikasining ayrim qonun hujjatlarining korrupsiyaga qarshi kurashishda samaradorligini oshirishga, korrupsiyaga oid jinoyatlar uchun javobgarlik muqarrarligini taʼminlashga qaratilgan qoʻshimcha va oʻzgartirishlar kiritish toʻgʻrisida"gi Qonunga bagʻishlangan targʻibot tadbiri oʻtkazildi.

Tadbirda qonunning mazmun-mohiyati, qabul qilinishining ahamiyati, korrupsiyaning oldini olish, halollik tamoyillarini mustahkamlash hamda davlat xizmatchilarining masʼuliyatini oshirishga qaratilgan asosiy jihatlar yuzasidan tushuntirishlar berildi.