Jamiyat xodimlari “Tashkent International Marathon” xalqaro marafonida qatnashdi

“O‘zbek geologiya qidiruv” AJ xodimlari poytaxtimizda o‘tkazilgan nufuzli “Tashkent International Marathon” xalqaro marafonida faol ishtirok etishdi.

Minglab professional sportchilar va havaskorlarni birlashtirgan ushbu yirik marafonda jamoamiz a’zolari o‘zlarining nafaqat kasbda, balki sportda ham qat’iyatli, chidamli ekanliklarini namoyish etib, belgilangan masofalarni muvaffaqiyatli bosib o‘tishdi.

Bu kabi ommaviy sportni rivojlantirish hamda sog‘lom turmush tarzini keng targ‘ib qilishga qaratilgan tadbirlarda “O‘zbek geologiya qidiruv” AJ xodimlari faol ishtirok etishda davom etadi.