Шунингдек, ярмаркада “Ўзбек геология қидирув” АЖ ҳам фаол иштирок этмоқда. Кўргазмада жамият таркибидаги Марказий ишлаб чиқариш базасида ишлаб чиқарилган асосан геологик-қидирув жараёнида ишлатиладиган буюмлар, бурғилаш ишларида махсус техникалар учун керак бўладиган эҳтиёт қисмлари каби 96 турдан ортиқ маҳсулотлар ўрин олган.
Бу эса албатта маҳаллий саноат корхоналари учун импорт ўрнини босувчи маҳсулотлар ишлаб чиқариш ҳисобига ўз фаолият соҳасини янада кенгайтиришга, рақобатбардош саноат маҳсулотларни ишлаб чиқаришга замин яратади.
Ярмаркадан кўзланган асосий мақсад маҳаллий ишлаб чиқарувчи корхоналарни битта платформада жамлаш, ўзаро тажриба алмашиш ҳамда келишувлар асосида шартномалар тузилишдан иборат, деб хабар беради, “Ўзбек геология қидирув” АЖ Матбуот хизмати.
Манбаа: yuz.uz