Bitiruvchi talabalar uchun amaliyot jarayoni tashkil etilmoqda

Toshkent markaziy geologiya qidiruv ekspeditsiyasida texnika universitetining 4-kurs bitiruvchi talabalari bilan uchrashuv bo‘lib o‘tdi. Unda rahbariyat, mas’ul xodimlar va talaba hamda ustozlar ishtirok etdi.

Uchrashuvda talabalar uchun tashkil etiladigan 2 haftalik amaliyot jarayoni haqida batafsil ma’lumot berildi. Ularning amaliy ko‘nikmalarini mustahkamlashi va ishlab chiqarish jarayonlari bilan yaqindan tanishishi alohida ta’kidlandi. Amaliyotchilar yotoq joylari bilan to‘liq ta’minlanishi ma’lum qilindi.

Talabalar 3 guruhga bo‘linib, Olmaliq, Sharqiy-Qurama dala ekspeditsiyalari hamda Chodak uchastkasiga biriktirildi. Shuningdek, ularga mehnat muhofazasi va sanoat xavfsizligi bo‘yicha zarur yo‘riqnomalar berildi.