News

O‘zbekiston Respublikasi Mustaqilligining 35 yilligi munosabati bilan Toshkent markaziy geologiya qidiruv ekspeditsiyasi xodimlari o‘rtasida futbol, stol tennisi va shashka bo‘yicha sport musobaqalari o‘tkazildi.Musobaqalardan ko‘zlangan maqsad — xodimlar o‘rtasida sog‘lom turmush tarzini targ‘ib qilish, jamoaviy hamjihatlikni mustahkamlash va sportga bo‘lgan qiziqishni oshirish.Bellashuvlar ko‘tarinki kayfiyat va do‘stona muhitda o‘tdi. Ishtirokchilar o‘z mahorat va qobiliyatlarini namoyon etdilar.Musobaqa yakunida g‘olib va sovrindorlar munosib taqdirlandi.

Ertaga, 25-avgust kuni respublikaning barcha hududlarida navbatdagi “Avtomobilsiz kun” aksiyasi o‘tkaziladi.

“O‘zbekiston Respublikasi mustaqilligining o‘ttiz besh yilligi munosabati bilan davlat xizmatchilari hamda ishlab chiqarish va ijtimoiy-iqtisodiy sohalar xodimlaridan bir guruhini mukofotlash to‘g‘risida” Prezident Farmoniga asosan bir qator vatandoshlarimizga yuksak davlat mukofotlari berildi.“O‘zbek geologiya qidiruv” aksiyadorlik jamiyatining “Qizilqum” markaziy geologiya qidiruv ekspeditsiyasi “Dovg‘iztov” dala ekspeditsiyasi mashinisti – Ergashev Uktam Salimovich  “Shuhrat” medali bilan taqdirlandi. Aksiydorlik jamiyati jamoasi nomidan yuksak mukofot bilan tabriklaymiz.

Qizilqum markaziy geologiya qidiruv ekspeditsiyasida O‘zbekiston Respublikasi Mustaqilligining 35 yilligi munosabati bilan xodimlar o‘rtasida “Yagona Vatan, yagona xalq bo‘lib, yangi hayot va kelajak yaratamiz” shiori ostida sport musobaqalari tashkil etildi. Musobaqalarda mini futbol, stol tennisi, shaxmat va shashka turlari bo‘yicha xodimlar o‘zaro kuch sinashdilar. Bellashuvlar davomida ishtirokchilar sportga bo‘lgan qiziqishi, jamoaviy hamjihatligi va g‘alabaga bo‘lgan intilishini namoyon etdilar. Mazkur sport tadbiri xodimlar o‘rtasida sog‘lom turmush tarzini targ‘ib qilish, jamoaviy birdamlikni mustahkamlashga xizmat qiladi.

Xitoy Xalq Respublikasida “O‘zbekistonda tog‘-kon sanoatini barqaror rivojlantirish” mavzusida xalqaro seminar bo‘lib o‘tdi. Mazkur nufuzli tadbir ikki davlat o‘rtasida mineral resurslardan oqilona foydalanish va sohaga zamonaviy innovatsiyalarni joriy etish yo‘lidagi muhim qadam bo‘ldi.Joriy yilning 5-18-avgust kunlari Xitoy Xalq Respublikasida tashkil etilgan ushbu seminarda O‘zbekiston tog‘-kon sohasi mutaxassislaridan iborat delegatsiya ishtirok etdi. Tadbir Xitoyning Pekin va Sian kabi yirik shaharlarida yuqori saviyada o‘tkazildi.Seminar davomida Xitoyning geologiya va tog‘-kon sanoatini rivojlantirish, mineral resurslardan oqilona foydalanish, ESG tamoyillarini joriy etish, ekologik monitoring hamda geologik jarayonlarni raqamlashtirish bo‘yicha ilg‘or tajribasi o‘rganildi. Shuningdek, “O‘zbek geologiya qidiruv” AJ Geomonitoring bo‘limi boshlig‘i – Elbek Pulatov O'zbekiston Respublikasining mineral-xom ashyo salohiyati va “O‘zbek geologiya qidiruv” AJ faoliyati, maqsadi va vazifalari haqida seminar ishtirokchilariga ma’lumot berdi. Tadbir ishtirokchilari Sian shahrida geologik qidiruv jarayonlarini raqamlashtirishga qaratilgan “Geosite” tizimi hamda yirik sanoat korxonalarining barqaror rivojlanish tajribasi bilan tanishdilar.Mazkur seminar ikki davlat o‘rtasidagi iqtisodiy va ilmiy aloqalarni yangi bosqichga olib chiqish va olingan bilim va ilg‘or xorijiy tajribalarni sohada qo‘llash orqali ekologik xavfsizlikni ta’minlash, resurslarni tejash va ishlab chiqarish samaradorligini oshirishga xizmat qiladi.

Kundalik hayotda o‘z huquq va majburiyatlaringizni bilish — qonuniy manfaatlaringizni himoya qilish, jamiyatda tartib va totuvlikni ta’minlashning muhim shartidir.📌 Huquqlaringizni biling — majburiyatlaringizni vijdonan bajaring!⚖️ Qonunga hurmat — jamiyat farovonligining asosi!

“O‘zbek geologiya qidiruv” AJda 2026-yilning birinchi yarim yilligi yakunlari bo‘yicha jamoatchilikning fikr-mulohazalarini o‘rganish maqsadida anonim so‘rovnoma o‘tkazildi.

Toshkent markaziy geologiya qidiruv ekspeditsiyasida O‘zbekiston Respublikasining O‘RQ–1155-son Qonuni mazmun-mohiyatiga bag‘ishlangan yig‘ilish o‘tkazildi. Yig‘ilishda Toshkent markaziy geologiya qidiruv ekspeditsiya boshlig‘i Sh.E. Sirajov tomonidan korrupsiyaga qarshi kurashish samaradorligini oshirish, manfaatlar to‘qnashuvining oldini olish, ichki nazorat tizimini kuchaytirish hamda korrupsiyaga oid huquqbuzarliklarning oldini olish masalalari yuzasidan tushuntirishlar berildi. Shuningdek, xodimlarga halollik, ochiqlik va shaffoflik tamoyillariga qat’iy rioya qilish, xizmat vazifalarini vijdonan bajarish hamda korrupsiyaning har qanday ko‘rinishiga nisbatan murosasiz munosabatda bo‘lish zarurligi ta’kidlandi. Yig‘ilish yakunida xodimlar bilan savol-javob va fikr almashildi.

Tadbir davomida mas’ul hamda yuridik xodimlar ishtirokida korrupsiyaning oldini olish mexanizmlari, ichki nazorat tizimi va korrupsiyaga qarshi kurashish masalalari yuzasidan xodimlarga batafsil tushuntirishlar berildi. Shuningdek, xodimlarga korrupsiyaga qarshi kurashishda qonuniylik, halollik va shaffoflik tamoyillariga qat’iy rioya qilish, korrupsiyaviy holatlarning oldini olish hamda ularga murosasiz munosabatda bo‘lish muhimligi ta’kidlandi.