«UZBEK GEOLOGICAL EXPLORATION» Joint Stock Company

Sizlarni 23-iyun — Davlat xizmati kuni bilan samimiy muborakbod etamiz.Yangi O‘zbekistonda amalga oshirilayotgan keng ko‘lamli islohotlar, davlat boshqaruvi tizimini takomillashtirish, fuqarolarga sifatli va samarali xizmat ko‘rsatish hamda xalq manfaatlariga xizmat qiluvchi zamonaviy boshqaruv tizimini barpo etishda davlat xizmatchilarining o‘rni va hissasi beqiyosdir.Mamlakatimiz taraqqiyoti, xalq farovonligi va davlat organlari faoliyatining ochiqligi hamda natijadorligini ta’minlash yo‘lida olib borayotgan fidokorona mehnatingiz, yuksak mas’uliyatingiz va kasbiy mahoratingiz tahsinga loyiq.Davlat xizmati — bu yuksak ishonch, katta mas’uliyat va Vatanga sadoqat namunasi hisoblanadi.Ushbu qutlug‘ sana munosabati bilan barchangizga mustahkam sog‘lik, oilaviy baxt-saodat, mas’uliyatli faoliyatingizda ulkan muvaffaqiyatlar, yangi zafarlar va ezgu maqsadlaringiz ro‘yobini tilaymiz.Davlat xizmati kuni muborak bo‘lsin!Hurmat bilan,“O‘zbek geologiya qidiruv” AJ jamoasi

“Oʻzbek geologiya qidiruv” AJ ishchi-xodimlarining farzandlari uchun yozgi ta'tilni mazmunli o'tkazish maqsadida sogʻlomlashtirish tadbirlari tashkil etilmoqda. Ayni kunlarda ular yozgi bolalar sogʻlomlashtirish oromgohlariga yuborilmoqda. Unda bolalar oromgohda sogʻlomlashtirish, madaniy-maʼrifiy va koʻngilochar tadbirlarda faol ishtirok etib, yozgi taʼtillarini mazmunli oʻtkazishadi. Mazkur tashabbus xodimlar va ularning oila aʼzolarini ijtimoiy qoʻllab-quvvatlash, bolalarning salomatligini mustahkamlash hamda bo‘sh vaqtlarini samarali tashkil etishga qaratilgan. Aksiyadorlik jamiyati tomonidan xodimlarning ijtimoiy qo'llab-quvvatlashga qaratilgan tadbirlar izchil davom ettiriladi.

O‘zbekiston Respublikasi Yoshlar kuni munosabati bilan Samarqand markaziy geologiya qidiruv ekspeditsiyasida yosh ishchi-xodimlar ishtirokida “Rahbar va yoshlar” uchrashuvi tashkil etildi. Tadbirda yoshlarni qo‘llab-quvvatlash, ularning kasbiy va ma’naviy salohiyatini oshirish masalalari muhokama qilindi. Ekspeditsiya rahbariyati yoshlar geologiya sohasining kelajagi ekanini ta’kidlab, ular uchun yaratilayotgan imkoniyatlar haqida so‘z yuritdi. Uchrashuv davomida yoshlarning taklif va tashabbuslari tinglanib, “Ustoz–shogird” an’anasining ahamiyati alohida qayd etildi. Tadbir ochiq muloqot va samimiy ruhda o‘tdi.

Aksiyadorlik jamiyatida korrupsiyaga nisbatan murosasiz munosabatni shakllantirish borasida nodavlat notijorat tashkilotlar va fuqarolik jamiyatining boshqa institutlari bilan hamkorlikda ish olib borish maqsadida O‘zbekiston «Adolat» sotsial-demokratik partiyasi hamda «O‘zbek geologiya qidiruv» aksiyadorlik jamiyati o‘rtasida o‘zaro hamkorlik to‘g‘risida Memorandum imzolandi. Hujjat ikki tomon hamkorligini yangi bosqichga ko‘tarish geologiya-qidiruv sohasida jamoatchilik nazoratini kuchaytirish hamda xodimlarining ijtimoiy-huquqiy ongini rivojlantirishga qaratilgani bilan ahamiyatlidir.O‘zbekiston Respublikasida korrupsiyaga qarshi kurashish davlat siyosatining asosiy maqsadi — davlat boshqaruvida ochiqlik va shaffoflikni ta’minlash, qonun ustuvorligini mustahkamlash, fuqarolarning huquq va manfaatlarini himoya qilish hamda jamiyatda korrupsiyaga nisbatan murosasiz munosabatni shakllantirishdan iborat. Bu borada jamiyat faoliyatini raqamlashtirish, jamoatchilik nazoratini kuchaytirish, korrupsiyaviy xavf-xatarlarni bartaraf etish va mansabdor shaxslarning mas’uliyatini oshirish bo‘yicha tizimli chora-tadbirlar amalga oshirilmoqda. Natijada sohada halollik, adolat va hisobdorlik tamoyillarini qaror toptirishga alohida e’tibor qaratilmoqda.Memorandum O‘zbekiston Res­publikasi Konstitutsiyasi, “Siyosiy partiyalar to‘g‘risida”gi hamda “Yer qa’ri to‘g‘risida»gi qonunlar, “O‘zbekiston – 2030” strategiyasida belgilangan ustuvor vazifalar va xalqaro huquqning umume’tirof etilgan normalari asosida ishlab chiqildi. Hamkorlik doirasida soha xodimlarining mehnat va ijtimoiy huquqlarini himoya qilish, munosib mehnat sharoitlarini yaratish, yosh mutaxassislarni qo‘llab-quvvatlash va malakali kadrlarni rag‘batlantirish ham muhim vazifalar qatoriga kiritildi.

“O‘zbek geologiya qidiruv” AJda xodimlari uchun ISSBning IFRS S1 va IFRS S2 standartlari asosida barqaror rivojlanish hisobotlarini tayyorlash, shuningdek ESG-xatarlarini boshqarish va monitoring qilish masalalariga bag‘ishlangan o‘quv seminari tashkil etildi. Seminar davomida ishtirokchilar xalqaro standartlarning asosiy talablari, ESGning muhim omillarini aniqlash, iqlimga oid ma’lumotlarni oshkor etish, ESG ma’lumotlarini yig‘ish va nazorat qilish, Scope 1 va Scope 2 emissiyalarini hisobga olish hamda ESG-xatarlarini korporativ boshqaruv tizimiga integratsiya qilish masalalarini ko‘rib chiqdilar. Mazkur o‘quv seminari xodimlarning bilim va malakalarini oshirishga xizmat qiladi hamda kompaniyada barqaror rivojlanish tizimini takomillashtirish, shaffoflikni kuchaytirish va xalqaro standartlar asosida hisobotlarni tayyorlash yo‘nalishidagi muhim bosqichlardan biri bo‘ladi.

“O‘zbek geologiya qidiruv” AJ Bosh muhandisi o‘rinbosari B. Eshmurzayev raisligida ishbay mehnatga haq to‘lash tizimini raqamlashtirish hamda mehnatga haq to‘lash tizimini yanada takomillashtirish masalalariga bag‘ishlangan yig‘ilish bo‘lib o‘tdi.Yig‘ilishda markaziy ekspeditsiyalar rahbarlari hamda jamiyatning mas’ul xodimlari ishtirok etdilar. Tadbir davomida dala ekspeditsiyalari rahbarlari, uchastka boshliqlari va texnolog xodimlarni rag‘batlantirish hamda mukofotlash ko‘rsatkichlarini ishbay baholar asosida hisoblash, ishlab chiqarish topshiriqlarining bajarilish darajasi bilan o‘zaro bog‘lash masalalari atroflicha muhokama qilindi.Muhokamalar yakunida mehnatga haq to‘lash va rag‘batlantirish tizimini yanada takomillashtirish, uning shaffofligi hamda samaradorligini oshirishga qaratilgan qator takliflar ko‘rib chiqildi. Shuningdek, mazkur yo‘nalishda amalga oshiriladigan chora-tadbirlar yuzasidan tegishli kelishuvlarga erishildi.Yig‘ilish natijalari jamiyatda zamonaviy va samarali mehnat munosabatlarini shakllantirish, xodimlarni rag‘batlantirishning adolatli mexanizmlarini joriy etish hamda ishlab chiqarish samaradorligini oshirishga xizmat qiladi.

Joriy yilning 19-iyun kuni "Oʻzbek geologiya qidiruv" AJ tomonidan “Qon topshir – hayot in’om et!” shiori ostida xayriya aksiyasi tashkil etildi.Mazkur aksiya donorlik harakatini keng targ‘ib qilish, fuqarolarda ijtimoiy mas’uliyat tuyg‘usini mustahkamlash hamda tibbiyot muassasalarining qon zaxirasini to‘ldirishga ko‘maklashish maqsadida o‘tkazildi.Tadbir davomida jamiyat xodimlari ixtiyoriy ravishda qon topshirib, inson hayotini saqlab qolishdek ezgu va savobli ishga o‘z hissalarini qo‘shdilar. Aksiya ishtirokchilari donorlikning jamiyat salomatligini ta’minlashdagi ahamiyati, bemorlar hayotini saqlab qolishdagi o‘rni hamda insonparvarlik qadriyatlarini yuksaltirishdagi roli haqida alohida to‘xtalib o‘tdilar. “Qon topshir – hayot in’om et!” xayriya aksiyasi jamiyatda o‘zaro mehr-oqibat, hamjihatlik va insonparvarlik tamoyillarini mustahkamlashga xizmat qiluvchi muhim ijtimoiy tashabbuslardan biri bo‘ldi. "Oʻzbek geologiya qidiruv" AJ bundan buyon ham ana shunday ijtimoiy ahamiyatga ega tadbirlarni muntazam qo‘llab-quvvatlashni davom ettiradi.

Markaziy geologiya geofizika ekspeditsiyasida Uran, Qizilqum va Samarqand karotaj uchastkalari xodimlari ishtirokida ishlab chiqarish intizomi, mehnat xavfsizligi hamda geofizik asbob-uskunalarning saqlanishi bo'yicha yig‘ilish bo‘lib o‘tdi. Unda karotaj asboblaridan to‘g‘ri foydalanish, avariya holatlarining oldini olish, uskunalarning texnik holatini nazorat qilish va yuzaga kelgan holatlar bo‘yicha tezkor choralar ko‘rish tartibi yuzasidan tushuntirishlar berildi. Yig‘ilish yakunida xodimlarga mehnat muhofazasi, sanoat xavfsizligi va ishlab chiqarish intizomi talablariga qat’iy rioya qilish zarurligi eslatib o‘tildi.Xavfsizlik va texnologik intizomga rioya etish geofizik tadqiqotlar sifatini ta’minlashning muhim omilidir.

“O‘zbek geologiya qidiruv” AJ hamda “Glocal Euroasia” XK MChJ ishtirokida Surxondaryo viloyati Uzun tumanida joylashgan Janubiy Bobotog‘ va Shimoliy Bobotog‘ istiqbolli maydonlarida mis zaxiralarini o‘rganish va geologiya-qidiruv ishlarini amalga oshirish masalalari bo‘yicha xorijiy investorlar bilan muzokaralar o‘tkazildi. Muzokaralar davomida investorlarga mazkur uchastkalarning geologik salohiyati, mavjud qidiruv natijalari hamda istiqbolda amalga oshirilishi rejalashtirilgan geologiya-qidiruv ishlari haqida batafsil ma’lumotlar taqdim etildi. Shuningdek, Surxondaryo viloyati hokimligi, Yer qa’ridan foydalanish markazi, “O‘zbek geologiya qidiruv” AJ va Olmaliq kon-metallurgiya kombinati mutaxassislari tomonidan loyiha doirasidagi ishlarni samarali tashkil etish, hududning geologik xususiyatlari hamda investitsion imkoniyatlari yuzasidan zarur tavsiya va maslahatlar berildi. Uchrashuv davomida geologiya sohasiga xorijiy investitsiyalarni jalb etish, mis zaxiralarini chuqur o‘rganish hamda istiqbolli loyihalarni birgalikda amalga oshirish masalalari muhokama qilindi. Mazkur hamkorlik geologiya-qidiruv ishlarining samaradorligini oshirish va mineral-xomashyo bazasini kengaytirishga xizmat qilishi ta’kidlandi.