Tarixiy obidalarga sayohat tashkil etildi

1996-yil 18-oktyabr kuni Sohibqiron Amir Temur tavalludining 660 yillik tantanalari doirasida Oʻzbekiston Respublikasi Prezidentining farmoni bilan Samarqand shahri yuksak mukofot — "Amir Temur" ordeni bilan taqdirlangan edi. Shu munosabat bilan 18-oktyabr sanasi Samarqand shahri kuni sifatida keng nishonlanadi.

Bayram munosabati bilan Samarqand markaziy geologiya qidiruv ekspeditsiyasi ishchi-xodimlari uchun Samarqand shahrida joylashgan Temuriylar davlatining buyuk hukmdori, davlat arbobi, astronom va matematik Mirzo Ulugʻbek muzeyi va observatoriyasiga sayohat tashkil etildi.