«O‘zbek geologiya qidiruv» aksiyadorlik jamiyati

Jamiyat mutaxassislari tomonidan Qizilqum markaziy geologiya qidiruv ekspeditsiyasi tarkibidagi Daugiztau dala ekspeditsiyasi Qumbosgan uchastkasida burg‘ilash ishlari olib borayotgan 95-sonli burg‘ilash brigadasidagi Boyles S-6 burg‘ilash uskunaning yoqilg‘i sarfini aniqlash, ish joyida meʼyoriy hujjatlarning yuritilishini nazorat qilish tekshiruvi olib borildi.

Regional markaziy geologiya qidiruv ekspeditsiyasi tarkibidagi "Janubi-Sharqiy Oʻzbekiston" dala ekspeditsiyasi geologlari Surxondaryo viloyati, Sariosiyo tumanida joylashgan "Hisor togʻ tizmasining janubi-sharqiy qismida geologik qayta oʻrganish ishlarini olib bormoqda. Loyiha doirasida rejalashtirilgan ochiq yer usti lahm o‘tish, shuningdek, geologik xaritalash, burgʻilash va ularni hujjatlashtirish, namunalar olish, foto hujjatlashtirish ishlarini amalga oshirmoqda.

Xayr-saxovat, muhtojlarga yordam koʻrsatish xalqimizga xos boʻlgan qadriyatlardan biridir. Shu bois, "Oʻzbek geologiya qidiruv" aksiyadorlik jamiyati Samarqand markaziy geologiya qidiruv ekspeditsiyasi Kasaba uyushmasi qoʻmitasi tomonidan Samarqand markaziy geologiya qidiruv ekspeditsiyasi va uning tarkibidagi ekspeditsiyalarda ijtimoiy koʻmakka muhtoj, kam taʼminlangan va yotoqdagi bemorlarni qoʻllab-quvvatlash maqsadida oziq-ovqat mahsulotlari toʻplamlari tarqatildi.

Qizilqum markaziy geologiya qidiruv ekspeditsiyasining 73-sonli brigadasi "Yoshlik-2" uchastkasida  samarali burg'ilash ishlarini olib bormoqda Qizilqum markaziy geologiya qidiruv ekspeditsiyasiga qarashli 73-sonli burg'ilash brigadasi zamonaviy gidrofitsirlashtirilgan DBC S-21 burg'ilash uskunasi bilan Toshkent markaziy geologiya qidiruv ekspeditsiyasining "Yoshlik-2" uchastkasida burg'ilash ishlarini muvaffaqiyatli amalga oshirmoqda.  Ushbu brigada zamonaviy texnologiyalarni qo'llash orqali geologik qidiruv ishlarining samaradorligini oshirishga katta hissa qo'shmoqda.

Joriy yilning 1-iyul kuni "O'zbek geologiya qidiruv" aksiyadorlik jamiyatida Telegram ijtimoiy tarmog'i orqali fuqarolar bilan onlayn muloqot tashkil etildi. Muloqotning asosiy maqsadi shaffoflik va ochiqlikni ta'minlash hamda aholini qiziqtirgan savollarga batafsil javob berishdan iborat bo'ldi. Bu aholi va tashkilot o'rtasida ishonchni mustahkamlashga xizmat qiladi. Shuningdek, ekspeditsiyalarda ishlayotgan xodimlar ham o'z takliflarini bildirish imkoniyatiga ega bo'ldilar. Ushbu takliflar asosida kelgusida ish jarayonlarini takomillashtirish rejalashtirilgan. "O'zbek geologiya qidiruv" AJ tomonidan tashkil etilgan ushbu onlayn muloqot davlat tashkilotlarining ochiqligini ta'minlash, fuqarolar bilan doimiy aloqani yo'lga qo'yish va ularning takliflarini inobatga olishda muhim qadamdir.

Bir necha yildan buyon O‘zbekistonda “Matbuot va ommaviy axborot vositalari xodimlari kuni” keng miqyosda nishonlab kelinadi. Bu kun nafaqat jurnalistlar va soha xodimlari, balki ularning ijod mahsulidan bahramand bo‘ladigan ko‘p ming sonli o‘quvchilar, tomoshabinlar va ziyolilar uchun ham ahamiyatli. Fursatdan foydalanib, televideniye, radio, bosma va elektron nashrlarda faoliyat yuritayotgan barcha xodimlarni bugungi kasb bayramlari bilan tabriklaymiz. Barcha kasb egalariga oilaviy farovonlik va ijodiy barkamollik tilab qolamiz.

“O‘zbek geologiya qidiruv” AJ tarkibidagi “Regional” MGTEning Stratigrafiya partiyasi geolog xodimlari joriy yilning may-iyun oylarida Aristantov, Sangruntov, Sharikti va Tomditov togʻlarida dala stratigrafik tadqiqotlarini oʻtkazdilar. Ushbu tadqiqotlar 1:50 000 miqyosdagi maydonni geologik qayta oʻrganish (GQOʻ-50) va 1:100 000 miqyosdagi chuqur geologik xaritalash (ChGX-100) loyihalari doirasida amalga oshirildi. Stratigrafik dala ishlari quyidagi usullar yordamida olib borildi: •  Litologik-stratigrafik kesmalar tuzish;•  Fasial kesmalar tuzish;•  Paleontologik kuzatuv nuqtalarini aniqlash va oʻrganish;•  Batafsil geologik kuzatuv nuqtalarini oʻrganish. Oʻtkazilgan tadqiqotlar natijalari ushbu hududning geologik tuzilishini yanada aniqlashtirish, istiqbolli maydonlarni aniqlash va yangi konlarni ochish uchun asos boʻlib xizmat qiladi. “O‘zbek geologiya qidiruv” AJ geologlari tomonidan amalga oshirilgan ushbu ishlar Oʻzbekiston geologiya sohasining rivojlanishiga muhim hissa qoʻshadi.

"Oʻzbek geologiya qidiruv" AJning "Regional" MGTE tarkibidagi Topogeodeziya boʻlimi mutaxassislari Qashqadaryo viloyati, Qamashi tumanida joylashgan "Hisor togʻ tizmasining Yakkabogʻ togʻlari janubiy yonbagʻiri" hududida 2024–2028 yillarga moʻljallangan loyiha doirasida geodezik tayanch nuqtalarini tashkil etish, shuningdek, rejalashtirilgan geologik burgʻilash quduqlari va yer lahmlarining joylashuvini, aniq koordinatalari va absolyut balandliklarini aniqlash maqsadida zamonaviy geodezik uskunalar yordamida 2025-yil iyun oyida topogeodezik oʻlchash ishlarini amalga oshirmoqda.

"Oʻzbek geologiya qidiruv" AJ Markaziy geologiya-geofizika ekspeditsiyasi boshligʻi A.U. Ashurov va yoshlar yetakchisi B.Z. Xakimov tashabbusi bilan 30-iyun – Yoshlar kuni munosabati bilan yoshlarni ijtimoiy qoʻllab-quvvatlash va ularning maʼnaviyatini yuksaltirish maqsadida "Rahbar va yoshlar" uchrashuvi tashkillashtirildi. Tadbirda ekspeditsiyaning tarkibiy tuzilmasi, maqsad-vazifalari va kutilayotgan modernizatsiya rejalari bilan tanishtirilib, yoshlarni oʻylantirayotgan masalalar yuzasidan suhbat oʻtkazildi.