Samarqandda aksilkorrupsiya oyligi doirasida targ‘ibot tadbirlari o‘tkazildi

“O‘zbek geologiya qidiruv” aksiyadorlik jamiyatining Samarqand Markaziy geologiya qidiruv ekspeditsiyasi va dala geologiya qidiruv ekspeditsiyalarida 9-dekabr – “Xalqaro korrupsiyaga qarshi kurashish kuni”ga bag‘ishlangan aksilkorrupsiya oyligi doirasida tadbirlar tashkil etildi.

Tadbirlarni tashkil etish orqali ekspeditsiya rahbari va tarkibiy bo‘linma Korrupsiyaga qarshi ichki nazorat bo‘limi masʼulining say harakati orqali Aksiyadorlik jamiyatining chekka hududlardagi xodimlarining korrupsiyaga qarshi murosasizlik munosabatlarini shakllantirishga, ularni idoraviy meʼyoriy hujjatlar bilan tanishtirish orqali huquqiy ongini oshirishda samarali tizimni yo‘lga qo‘yishga imkon bermoqda.

Davra suhbatlari va yig‘ilishlarda huquq tartibot organlari ekspertlari tomonidan oxirgi vaqtlarda aniqlangan va jazolangan korrupsiyaviy holatlar to‘g‘risida maʼlumotlar berildi, hamda bu illatning qay darajada yomonligi, mazmuni, oqibatlari to‘g‘risida xodimlar xabardor qilindi. Shuningdek korrupsiyaning har qanday turiga duch kelganda huquq tartibot organlari bilan hamkorlikni yo‘lga qo‘yish uchun aloqa kanallari almashildi.

Barcha yig‘ilish va davra suhbatlarida targ‘ibot videoroliklari xodimlarga qo‘yib berildi.