Мarkaziy laboratoriya tomonidan ishlab chiqilgan standart na’munalari Xalqaro reyestrga kiritildi

“O‘zbek geologiya qidiruv” AJ tarkibidagi Мarkaziy laboratoriyasi tomonidan ishlab chiqilgan ВЯ-1 (Yaxton),   ВХ-1 (Xo‘jadek), ВС-1 (Sariko‘l)  davlat standart na’munalari Davlatlararo standartlashtirish, metrologiya va sertifikatlashtirish kengashining (MGS) 2024-yil 21-iyundagi qarori bilan davlatlararo foydalanish mumkin bo‘lgan standart qatoriga kiritildi. Shu bilan birga standartlar 3022:2024, 3023:2024 va 3024:2024-son bilan Xalqaro standart na’munalar reyestriga kiritilib, Rossiya Federatsiyasi, Oʻzbekiston, Ozarbayjon, Armaniston, Belarus, Qozogʻiston, Qirgʻiziston Respublikalarida cheklovlarsiz foydalanishga ruxsat berildi.